紐西蘭 Trilogy網購優惠 – 內含有機玫瑰果油好用推介

0

講起紐西蘭嘅護膚品,點可以少左佢 – Trilogy,佢既主打產品玫瑰果油真係超級紅架,連英國凱特王妃都鍾意用佢,仲有市場研究指Trilogy每20秒就賣出一枝玫瑰果油架。Trilogy係100%成份天然,不添加任何化學物質,就算係敏感肌、孕婦都適用。

品牌簡介

Trilogy由來自新西蘭嘅姐妹Sarah Gibbs、Catherine de Groot係2002年成立,品牌成立初期,只係得一系列嘅玫瑰果油護膚品,而家已經研發超過40種天然有效嘅護膚產品,仲係全球超過20個國家有得賣。Trilogy嘅玫瑰果油係經過有機認證,佢地仲係2012年成為第一個拎到NATRUE Natural Cosmetics 證書嘅新西蘭護膚品牌。

 

好用推介

Certified Organic Rosehip Oil 20ml

Certified-Organic-Rosehip-Oil

適合:所有皮膚、孕婦、BB用都得
評價:呢一款係最basic最original嘅玫瑰果油,質地清爽,皮膚吸收快,含有亞麻油酸、Omega3, 6, 9、維他命A,C、抗氧化劑等等,可以令皮膚keep住保濕滋潤,平衡油脂分泌,仲可以抗氧化,減淡細紋。孕婦仲可以用佢黎減淡妊娠紋,減輕色素沉澱。如果油性皮膚覺得太油,可以係夜晚用。

 

Rosehip Oil Antioxidant+ 30ml

Rosehip-Oil-Antioxidant

適合:成熟肌膚,或需要修補的肌膚
評價:如果話Certified Organic Rosehip Oil係basic款的話,咁呢款Antioxidant+嘅玫瑰果油就係佢嘅加強版,加入左好多天然嘅抗氧化劑,玫瑰果籽、番茄籽、蔓越莓、葵花籽、巴西莓、燕麥等等,有助抵禦環境對皮膚造成嘅損害,延緩衰老,大大咁改善皮膚嘅保濕度同埋亮澤度,仲可以減淡皺紋,提升皮膚彈性同埋緊緻度,而強力嘅天然抗氧劑可以保護皮膚,免受紫外線、污染物侵害。

 

CoQ10 Booster Oil 20ml

CoQ10-Booster-Oil

適用:暗沉、疲倦、成熟肌膚
評價:呢款CoQ10 Booster Oil加入左輔酶Q10、澳洲堅果籽油、黑香菜、鼠尾草、石榴、草莓籽、藍莓籽等成分,Glycablend™同埋輔酶Q10結合,就好似幫皮膚叉電咁,激發細胞更生,促進骨膠原增生,令暗沉疲倦嘅皮膚回復彈性,滋潤乾燥肌膚,變得明亮光彩,減淡皺紋,衰老痕跡Bye bye。

 

Very Gentle Restoring Oil

Very-Gentle-Restoring-Oil

適用:所有膚質、特別係敏感肌皮膚
評價:呢款抗敏溫和修復油,主要成份有甜杏仁油、馬基莓、沙棘等,溫和無香味配方,有效滋養皮膚,保護敏感肌膚免受自由基損害,減少、預防表情紋、細紋出現,令皮膚保持彈性、光澤。

 

Exclusive Vitamin C Booster Treatment 12.5ml

Exclusive Vitamin C Booster Treatment

功效:美白、提亮、抗氧化

用法:佢嘅包裝設計都幾特別,將C粉儲係按壓嘅樽蓋到,用嘅時候,按一下樽蓋,C粉就會擠落去裝滿透明質酸嘅玻璃樽到,然後搖勻佢,再用滴管滴係掌心到,搽係全面或重點咁搽。

評價:呢款維C精華,含有6%高效天然維他命C、雛菊、沙柑、玫瑰果等天然成份,有效促進皮膚更新,改善暗黑色素、暗沉膚色,加上有玫瑰果嘅滋潤,用起上黎,亦唔會太乾。質地清爽,不油膩,唔容易出擦子膠碎,就算用完之後,正常化妝都OK。不過用完之後,記得搽返防曬。

 

玫瑰果油誤解

氣味:

好多人以為玫瑰果油聞起上黎就係玫瑰味,而Trilogy係純正無添加嘅玫瑰果油,來自南美洲嘅最頂級玫瑰果實入面嘅果籽,經過冷壓,萃取天然嘅玫瑰果油,聞起上黎,其實係堅果嘅味道。

 

油上加油?:

好多人都會覺得油性皮膚本身已經油,再搽埋呢D護膚油,咪會對油性皮膚會造成負擔?但係其實油性皮膚之所以出油,往往係因為皮膚欠缺油脂,皮膚沒油脂黎鎖住水分,令到水油失衡,所以皮膚會再分泌油脂黎保護自己,就變左油上加油,過度清潔都會造成呢個情況架。所以,油性皮膚係可以放心咁用玫瑰果油,修復皮膚油脂同埋水分之間嘅平衡,

 

使用方法

  • 懶人做法:將1-2滴玫瑰果油滴落lotion或者面霜到,撈埋一齊再搽上面
  • 得閒按摩:搽完爽膚水後,將玫瑰果油滴係掌心到搓熱佢,再按壓係面到,輕輕按摩下,先再搽日常保濕
  • 得閒瘦面:可以配合牛角梳或者面部刮沙板,通一通面部、頸部淋巴,護膚之餘又可以瘦面。
  • 絕對不要:千祈唔好直接搽係面到呀,有機會搽得唔均勻,爆曬瘡架。

 

邊到買

香港莎莎、卓悅、萬寧都搵到玫瑰果油,不過款式好少呀,所以都係上網買好似開心D,最緊要有得揀嘛,而家Lookfantastic有限時網購優惠,入手係時候喇。

你可能感興趣

發表提問

Your email address will not be published.