Pixi好用推介 – 內附必買推介,網購仲平過門市買

0

PIXI呢期真係老是常出現呀,係Sephora會見到佢,係萬寧又見到佢。而PIXI嘅產品包裝統一以牛油果綠為主題,感覺好fresh好吸睛,離遠第一眼就望到佢地喇。PIXI產品嘅價位唔算好貴,而且網購仲比門市平,識買一定係門市試完tester再網上買,咁就最抵玩喇。

品牌簡介

來自英國嘅PIXI,創辦人Petra Strand本身係擁有超過25年經驗嘅資深化妝師,佢發現好多人只係著重化妝,忽略左護膚環節,為左令大家可以體驗高效安全嘅護膚產品,所以PIXI就誕生喇。PIXI專業、國際化產品研發團隊,選用與皮膚親和嘅天然植物成分,積極尋找無毒純淨原料,堅決拒絕動物測試,用佢地嘅產品夠曬安心呀。

不得不提PIXI CEO─Felix Strand都好值得留意呀,子承母業,上任短短幾年就帶領住PIXI進軍全球50幾個國家。叻仔之餘,重點係佢真係好靚仔呀!

 

 

必買爽膚水

1. PIXI Glow Tonic 去角質煥膚爽膚水100ml

邊個用:適合所有膚質,多暗粒、閉口瘡特別適用
用法:早晚用或濕敷3分鐘,記得要做足防曬

呢款去角質爽膚水係英國官網係成日斷貨架,因為佢真係好好用,含有5%果酸成分,可以溫和去除角質同時淨化肌膚;人參成分可以促進血液循環、排走毒素,提升肌膚活力;蘆薈萃取物可以補水保濕,淡化暗瘡印,消除多餘油脂,令皮膚變得光澤滋潤。

 

2. PIXI Retinol Tonic 視黃醇抒皺爽膚水250ml

邊個用:想要預防皮膚初老、抗皺
用法:早晚用或濕敷3分鐘,日頭用完之後,記得要做足防曬功夫

呢款爽膚水含有維他命A即是視黃醇,佢可以有效提高皮膚新陳代謝速度,減少細紋、皺紋出現;多肽可以滲透到皮膚,補充膠原蛋白,恢復皮膚彈性,減慢皮膚衰老;茉莉花舒緩敏感肌膚,滋潤補水,提亮膚色,又唔會造成皮膚負擔。

 

3. PIXI Milky Tonic 牛奶保濕平衡舒緩爽膚水250ml

邊個用:乾燥、敏感皮膚
用法:早晚使用或濕敷3分鐘

呢款以保濕為主打嘅爽膚水,含有荷荷巴、燕麥、綠茶等天然成分,可以為肌膚帶黎長效保濕,平衡油脂分泌,仲可以抗敏消炎,減少秋冬引起嘅皮膚敏感。

 

必買精華

1. PIXI Glow Tonic Serum & Overnight Glow Serum 過夜煥膚精華 30ml

邊個用:皮膚粗糙、想改善皮膚閉口粉刺暗粒
用法:輕盈精華:用完爽膚水後,取2-3滴精華,均勻按摩面部,可以作日常使用,需要做防曬功夫;過夜精華:建議晚間用,一周可用1-2次。

呢兩款都係煥膚精華,分別在於一個係輕身d,一個果酸份量重D嘅。輕盈精華嘅樽身係牛油果綠加粉紅色banner,配合超輕量配方,含有果酸、人參、蘆薈成分,有效保濕提亮,平衡油脂。

Overnight Glow Serum過夜煥膚精華成個樽身都係牛油果綠色,含有10%果酸、視黃醇等成分,係瞓覺嘅時候就幫你煥膚,加速新陳代謝速度,一覺瞓醒,皮膚煥然一新。

 

2. PIXI Hydrating Milky Serum牛奶保濕舒緩精華30ml

邊個用:缺水皮膚
用法:用完爽膚水後,取2-3滴精華,均勻搽抹面部

呢款保濕精華好適合係秋冬使用架,含有荷荷巴油、甘油、蘆薈、維他命C&E,有效幫助皮膚補水保濕,美白抗氧化。佢嘅質地輕盈,好似乳液咁,一D都唔油膩,仲好吸收tim。

 

3. PIXI Vitamin-C Serum 維他命C活力亮膚抗氧化精華 30ml

邊個用:需要改善暗瘡印、色斑
用法:早晚使用

呢款美白精華含有高濃度精純維他命C、益生菌等成分,可以修復陽光對皮膚造成嘅損害,減少自由基,延慢衰老,令肌膚保持緊緻。仲可以抑制黑色素分泌,有效美白淡斑。佢嘅質地半透明水狀,好易推開,吸收都好快,仲有陣陣嘅橘子清香。

 

必買定妝噴霧

1. PIXI Hydrating Milky Mist 牛奶保濕補水舒緩噴霧 80ml

邊個用:甩皮、浮粉、需要定妝
用法:有需要時噴在面上

呢款奶白色嘅保濕噴霧,保濕功效高,含有透明質酸、黑燕麥、維他命A、甘油、益生菌等成分,可以為皮膚建立一層健康屏障,令水分鎖係皮膚表層。佢嘅噴頭細密,唔會噴到成滴水珠咁滴落塊面到架,而且仲可以同妝容完美溶合,啱曬長期係冷氣房嘅朋友架。

 

PIXI邊度有得買?

PIXI嘅產品響香港較少見,就算個別店鋪有款式都未必齊,建議大家可以上外國網Lookfantastic度買,款式多又有折扣優惠。 或者去Sepohra度買都得!新客戶依家仲有9折,輸入優惠碼:「ONLINE10」就可以用喇,買滿HK$299仲可以免運費添。

 

伸延閱讀:

TUNEMAKERS香港用家評價 – 日本人氣原液保養產品介紹

Tangle Teezer好用推薦 – 教你分別三大類, 仲有網購優惠

澳洲國民品牌Natio好用推介 – 內文仲有網購優惠

The Ordinary香港用家推薦 – 醫學護膚品牌介紹及用後感

你可能感興趣

發表提問

Your email address will not be published.