(名牌教室) Louis Vuitton – 內文仲會介紹八大袋款同入手渠道

0

百年品牌路易威登Louis Vuitton嘅起源你知幾多? 電影鐵達尼號沉船事件中,搜救隊伍撈起海上嘅LV硬殼行李箱,打開裡面竟然滴水不漏? Louis Vuitton嘅皮革防水、防火傳說,真實程度有幾多? 想知道以上問題嘅答案,等小編為你一一解開!

品牌介紹

路易‧威登創立於1854年,創始人路易.威登嘅第一份職業係為名流貴族出遊時執行李。

 

佢見證咗蒸汽火車嘅發明,目睹汽船運輸嘅發展,同時深深體會到當時收疊起圓頂皮箱嘅困難。於是路易.威登革命性地創制咗平頂皮衣箱,並係巴黎開設第一間店鋪。佢嘅設計好快就被抄襲,平頂方形衣箱成為當時嘅潮流。路易.威登嘅皮箱最先係以灰色帆布鑲面,1896年,路易.威登嘅兒子喬治用爸爸姓名中嘅縮寫L及V配合花朵圖案,設計出今天蜚聲國際嘅交織字母印上粗帆布Monogran Canvas嘅樣式。

 

第一次世界大戰時,路易‧威登為適應當時嘅需求,改為制作軍用皮箱及可折疊嘅擔架。戰後,佢又專心制作旅行箱,並獲得不少名人嘅垂青,訂單源源不絕。到路易.威登嘅孫子家斯騰(Gaston)嘅時代,產品已推至豪華嘅巔峰,創制出一款款特別用途嘅箱,有啲配有玳瑁及象牙嘅梳刷及鏡子,有啲綴以純銀、水晶及香水瓶。路易.威登公司仲會應個別顧客嘅要求,為佢地度身訂造各式各樣嘅產品。

 

電影「鐵達尼號」蘿絲與傑克嘅浪漫愛情故事令人印象深刻,但係電影以外,鐵達尼號都為一個知名品牌打響了知名度。係真實嘅歷史沉船事件中,當抵達現場嘅搜救隊伍撈起載浮載沉係海上嘅LV硬殼行李箱,打開裡面竟然滴水不漏!咁傳奇性嘅故事,幾乎變成所有認識Louis Vuitton呢個品牌嘅人都知道嘅故事。而呢段軼事,其實為LV奠立下品牌基礎嘅契機,從此以後不論點發展,都一定以「旅行」為出發點,留下一段不斷被稱頌嘅歷史註解,威登因此聲名大噪。

 

 

品牌歷史

LV嘅歷史,不得不從一個鄉下少年嘅冒險開始講起。1837年,一個從鄉下嚟到巴黎嘅十六歲少年路易‧威登(Louis Vuitton),就係呢個名牌傳奇嘅創始人。出生於法國東部一個小鎮嘅路易‧威登,從小就立志要到巴黎發展。係佢十四歲時,徒步走咗四百公里到達巴黎;途中佢係過伐木工廠打工,學識咗如何辨識木材嘅優缺點。1854年,路易在巴黎鬧區開了第一家的店面。當時嘅社會同經濟發展對佢十分有利,因為拿破崙三世已經建立法蘭西第二帝國,大舉發展資本主義,民眾開始熱衷於消費。

 

係嗰個時代,貴婦們係準備出門旅遊時,由於日常穿著大多數係束腹內衣同蓬鬆裙,所以必須用大型衣箱嚟裝住呢啲大型衣物。路易就係睇準咗王公貴族同資產階級嘅消費實力,適時推出大型行李箱,用上上等嘅木材製作,並以豬皮同絲質布料。同時佢考慮到,上流人士出外時,行李總係放係馬車外面,因此佢出產嘅行李箱特別加上防止雨水滲透嘅功能。以旅行箱起家嘅LV品牌,因為其超卓嘅技藝與獨創布料,打下咗滴水不漏嘅名號,推出嘅旅行箱品質有口皆碑,就咁成為當時貴族們旅行愛用嘅高級品牌。

 

LVMH (Moet Hennessy Louis Vuitton)集團繼續創造新嘅流行,1997年邀請紐約新生代當紅設計師Marc Jacobs進駐LV為藝術總監,有如為傳統打入強心針,加入咗新嘅審美觀。Marc Jacobs嘅加入,無疑係呢個法國百年老牌嘅轉捩點,自此之後,女人談及Louis Vuitton,不再只有昂貴嘅旅行皮箱,奢華而富有創意嘅時裝,更成為眾人津津樂道嘅品牌系列。

 

2013年,執掌了16年嘅Marc Jacobs風光離任,並由前Balenciaga創意總監Nicolas Ghesquière接位。儘管面對著各方關注目光所帶來嘅巨大壓力,佢仍季季交出亮眼成績,一次又一次地證明嘅就係總監位置嘅不二人選。Nicolas曾提到,他佢認為成就具影響力品牌嘅關鍵,在於以過去累積嘅元素為根基,並藉年輕嘅想法篩出精隨,而係佢嘅作品中,便可窺得此一理念嘅實踐。

 

品牌特色

除咗皮件之外, LV最厲害嘅地方,其實係於企業經營嘅遠見。1988年,係當時嘅LV總裁伯納德‧亞諾特(Bernard Arnault)嘅指示下,LV老店與其他三家同具百年歷史嘅名牌老店合併,共同組成名牌集合體LVMH集團,並且係同年將Christian Dior也納入集團旗下。唔講大家一定都唔知道,除咗Christian Dior之外,其他仲有好多我們耳熟能詳嘅品牌都與LVMH集團有關係,例如LOEWE、CELINE、Givenchy、FENDI等都係。LVMH集團不只生產皮件,佢嘅領域還跨及香水、化妝品、珠寶、鐘錶及時尚服飾等。

Marc Jacobs邀請日本知名藝術家村上隆攜手設計新嘅彩色Monogram Multicolor系列,限量生產造成瘋狂搶購-櫻花包、櫻桃包等多項童心十足嘅手袋,一舉將村上隆與Marc Jacobs嘅設計推上銷售與話題冠軍。

 

此外,驚世聯名Louis Vuitton x Supreme話題聲量居高不下,儼然成為近期最火紅嘅合作系列。回溯其品牌歷史,聯名嘅把戲可以話係從未停過。

 

從2001年與美國塗鴉大師Stephen Sprouse嘅合作,將Louis Vuitton Paris塗鴉字樣印於包身,均替品牌注入了鮮明活潑嘅力量,同時將品牌印象深刻刻入人心。

 

2014年巴西世界盃作為足球界盛事都搵Louis Vuitton訂造手提箱,裝住價值不菲嘅世界盃,對Louis Vuitton嘅信任度有幾高。

 

 

品質

由工匠們親手縫製、拼組嘅Louis Vuitton行李箱,係層層人工把關下維持著頂尖水準,而關於佢嘅高品質,更有一段為人稱道嘅鐵達尼號船難故事。品牌位於巴黎嘅總部設有一間實驗室,裡面有可以將旅行箱、包包反覆舉起、丟下嘅機械手臂,而咁樣嘅動作會進行長達四日,以測試佢地嘅耐用程度。此外,試驗程序還包括觀察皮革褪色情形嘅紫外線照射,以及數千次嘅拉鍊開合測試。縝密而嚴謹嘅製程,為嘅就係要延續佢百年嚟堅不可摧嘅非凡品質。

 

LV嘅防水、防火傳說,真實程度難以追究,但佢唔用皮革或其他普通皮料,而係採用一種油畫用名為Anvas嘅帆布物料,外加一層防水嘅PVC,的確可以令皮包歷久彌新,不易磨損。除咗耐用之外,有一百五十年歷史嘅LV,一開始就專攻皇室及貴族市場,亦都係令呢個名牌屹立不倒嘅原因。LV嘅創人Louis Vuitton原本係拿破崙愛妻嘅御用捆工。每次拿破崙東征西討時,皇后就召用佢設計最優異嘅皮箱裝備,以備旅行之需。

 

常用配件

想要製造出一個完美的皮件,首先必須要挑選好嘅皮布料。而Louis Vuitton係料質上選擇嘅Monogram帆布,係一種係棉質材料上以樹脂加工製成嘅帆布素材。

 

另一方面,係行李箱嘅設計上Louis Vuitton採用自家開發嘅手工鎖。呢種手工鎖,設計十分精密且佢嘅特色係在於Louis Vuitton為每個消費者打造只屬於自己獨特嘅鎖。一來,呢款鎖不僅獨一無二,且具有防盜嘅功能。

 

花紋種類

# LV Damier格紋帆布

1889年LV推出粽色Damier及米色Damier Azur嘅帆布,帶有marque L, Vuitton deposee註冊商標字樣。近一個世紀後,路易威登於1998年重新演繹Damier帆布,推出全新Damier Ebène,成為品牌最成功嘅創作之一,自始多款嶄新嘅Damier帆布陸續面世:包括Damier Azur、Damier Graphite (紀念Damier帆布面世120週年)、皮革壓花 Damier Infini 以及最新的 Damier Adventure及 Damier Challenge等。

 

# LV Monogram圖案帆布

呢個無人不曉嘅LV花紋,出自於1896年Louis Vuitton嘅兒子Georges Vuitton之手。起初,為防範他人仿冒,Georges從19世紀末歐洲盛行嘅日本藝術汲取靈感,將日本家徽圖案及浮世繪花紋轉化為星星、鑽石、花朵嘅圖樣,再加入品牌名稱縮寫LV,交叉排列出深褐及泥黃兩色的LV Monogram。而呢個歷久彌新嘅花紋,一再被運用於品牌嘅各項設計中,到現今仍然係時尚界辨識最高、最具代表性嘅花紋之作。

 

# Monogram Multicolor帆布

於2003年LV與日本藝術家村上隆先生合作,推出色彩繽紛嘅Monogram Multicolor花紋系列,為LV添加幾分少女。

 

# Damier Geant帆布

於2004年推出Damier Geant系列

 

 

包款介紹

# Louis Vuitton x Supreme系列

向來擅長操作聯名話題嘅紐約街頭品牌Supreme,由男裝藝術總監Kim Jones與Supreme創辦人James Jebbia合作嘅呢個系列,不單只係兩個品牌嘅結合,同時完美展現出紐約街頭文化與路易威登細緻嘅法式工藝,引發嘅排隊熱潮甚至造成東京、北京分店提前閂門。

 

# Petite Malle系列

呢款精巧嘅Petite Malle手袋選用小牛皮縫製,綴有全新Monogram LV Pop印花圖案,圖案設計奪目,以螢光色調及近乎立體的效果呈現,完美配襯同經典系列嘅其他款式。手袋設有可調節長度肩帶,可作肩背和斜背攜帶。

 

# Mini Dauphine系列

Nicolas Ghesquière於2019年秋冬系列以乳白色及海藻綠色雙色調,配合Taurillon皮革打造全新嘅Mini Dauphine手袋。小巧嘅造丑散發優雅嘅復古氣息,日間或晚間場合皆宜,配有可拆式及可調節長度肩帶,既可用作手拿包攜帶,亦可作肩背或斜背攜帶。

 

# Pochette Métis系列

呢款Pochette Métis以Monogram Empreinte壓花皮革製作,配有工藝精湛嘅皮革手柄,編織手柄綴有手工染色邊緣,展現獨特典雅嘅奢華格調。米白色調襯以焦糖棕色嘅皮革細節,如行李吊牌和亮滑嘅可拆式肩帶。手袋外型小巧、結構分明,並擁有設計精妙嘅內部隔間。

 

# Santa Monica系列

全新嘅Santa Monica手袋小巧且時尚休閒,結合路易威登嘅標誌性Damier Ebene帆布與滑面牛皮,3D特大LV標誌十分搶眼。呢款手袋適合日常攜帶,外出購物都可以隨時隨展現時尚風格。

 

# NéoNoé BB系列

NéoNoé水桶袋以BB尺寸示人,向路易威登經典嘅Noé水桶袋致敬,展現出清新時尚嘅風格。水桶袋以富有紋理嘅Epi皮革製作,配以滑面皮革飾邊及束繩,營造對比感。可拆式頂端手柄及綴有按扣嘅可調節長度肩帶可作手提或肩背攜帶。

 

# Cannes系列

呢款手袋以迷你版款式設計,全新演繹路易威登為周遊列國嘅時尚女性而設嘅經典化妝包款式。今季嘅版本以Monogram Giant帆布製作,以圖案大小打造出時尚及耳目一新的對比。手袋設有Toron手柄及可調節長肩帶,可配襯不同造型。

 

# Alma Mini系列

Louis Vuitton賦予經典Alma手袋新嘅風貌,綴有珍貴鏈條,以小巧嘅Mini尺寸重新演繹。選用亮滑嘅Vernis Miroir漆皮製造,綴以低調嘅Louis Vuitton壓花前貼片及Monogram帆布拉鏈拉片,係一款極富女性風情嘅迷人手袋。

 

忠實明星粉絲

Louis Vuitton係百年品牌品質有保證,手拉行李喼不時會係機場見到,係fashion嘅隨身物。世界各地男女明星紛紛入手,Diane Kruger、Robyn Rihanna Fenty、楊丞琳、高圓圓、楊冪、范冰冰、謝婷婷、陳冠希、容祖兒、阿Sa、Janice Man、YY等都係佢Fans。

 

二手購買點

Reebonz – Reebonz係亞洲最大型、最有信譽嘅名牌購物網站之一。近年於香港極具人氣,可以係Reebonz搵到全新單品或二手單品,二手單品會有專員驗證並列出單品質素級別。另外,Reebonz亦會安排付款及免費運送,非常貼心。

 

Farfetch – 英國大型購物網站Farfetch匯聚2,000多個品牌,不少為國際一線名牌,貨品分別由法國、意大利、美國等地寄出,更會不定時推出免運費優惠。

 

Shopbop – Shopbop係美國Amazon旗下嘅輕奢購物網站,主攻中上價錢品牌單品,衣飾鞋履樣樣倶全,更是國際免運費。網站代理一家來自紐約嘅二手名牌為What Goes Around Comes Around,當中以Chanel同Louis Vuitton手袋最多,還有Hermes、Dior等品牌單品。

 

小總結

Louis Vuitton皮件所使用嘅材質係防水、唔怕污糟、唔易變形、唔易刮傷、耐用、容易清潔,並且售後服務相當良好。所以,購買者對於Louis Vuitton嘅品質係有一定嘅評價同肯定。Louis Vuitton每一年都會推出新產品,除咗經典包外,仲有每年引發時尚界熱烈討論嘅話題包。不論你係著高雅嘅套裝,定係休閒牛仔褲都可以成功搭配。

 

你可能感興趣

發表提問

Your email address will not be published.