香港地家下「搵食艱難」，想同家人或三五知己出街食飯已經變得奢侈… 好彩KFC肯德基最近推出咗網上外賣平台，只要簡單輸入地址即刻可以訂購各款美食，例如全雞宴、雞扒辣汁蘑菇飯套餐、派對共享套餐，甚至乎一人尊享套餐。 呢度我哋除咗會教大家點樣用KFC外賣平台落單外，仲會搜羅返最新KFC優惠碼俾大家！
KFC優惠碼／肯德基外賣優惠
KFC網上訂餐／外賣自取教學
Step 1. 首先點擊右上角「登記」，註冊成為KFC會員
Step 2. 然後係search bar上方揀返「外賣速遞」或「外賣自取」，然後再係搜索欄輸入自己地址或自取分店。
Step 3. 輸入完地址後就可以揀你心愛嘅美食啦！ KFC網上外賣平台主要劃分為四個類別，分別為：熱選、分享、獨享及會員專享。 當中會員尊享入面嘅美食係以KFC點數兌換架！
Step 4. 經KFC網上平台預訂套餐一般都可以自選雞件口味，例如最Classic嘅家鄉雞，香辣脆雞及狂惹香燒雞等。 而小編自己就最Like香辣脆雞，貪佢啲雞皮炸得夠Crispy！真係諗起到垂涎三尺呀。
Step 5. 選擇好美食後就可以點擊右下角「結賬」按鈕進行網上付款 (Visa、Mastercard、Alipay、恆生Cash Dollar)，或上門付款 (現金)，俾錢前記得輸入返KFC優惠碼獲得即時現金折扣。
而外賣自取流程其實都係大同小異，同樣可以選擇網上付款式上門付款，而且選擇KFC外賣自取嘅客戶仲可享額外85折添！
經KFC香港官網訂外賣有咩好處？
依家外賣平台競爭激烈，大家都諗盡辦法去搶市場佔有率。 睇得出KFC想擺脫foodpanda、Deliveroo及UberEats等外賣平台，省卻中間人高昂手續費並將節省得來嘅成本回饋返俾食客，對香港一聚市民嚟講絕對係好消息！ 依家KFC務求改變客戶外賣習慣，仲推出一系列肯德基優惠碼俾大家，計落個優惠碼都差不多有成10%OFF！ 而且外賣自取優惠仲低至25%OFF添！
KFC優惠碼本身有咩條款及細則？
肯德基香港網上外賣平台雖然不時都有訂餐優惠提供，但其實使用時候都有少少嘢要注意返架！例如普通都要消費滿指定金額先可以使用KFC優惠碼，而且優惠碼無法同其他推廣優惠一併使用 ，所以大家訂餐前記得計一計數喇！
伸延閱讀:
每週更新!【Foodpanda優惠碼】迎新減$60, 指定時段免運費