香港寬頻HKBN係香港都算多人用 (包括小編自己)，貪佢價錢公道服務穩定而且又有CAT5入屋，唔少網民仲話自己用咗十幾年都無斷過線添！ 最近見香港寬頻推出咗個優惠編號，無論係家居寬頻抑或手機上台都有優惠，所以就響呢度為大家介紹下。
HKBN香港寬頻優惠碼 (家居寬頻)
HKBN香港寬頻優惠碼 (手機上台)
香港寬頻服務簡介
根據官網顯示，香港寬頻係全港第二大嘅光纖寬頻住宅服務供應商，亦被外國服務器測速平台Speedtest評為全港最快寬頻服務供應商，目前為住宅提供100M / 200M、500M、1000M 及 2Gbps寬頻上網服務 (視乎地區／住宅類型而定)。
| HKBN 寬頻 | 100M | 200M | 500M | 1000M | 2Gbps |
|---|---|---|---|---|---|
| 月費 | $158 | $158 | $178 | $158 | $278 |
| 合約 | 24月 | 24月 | 24月 | 36月 | 24月 |
| 推薦人計劃 | 適用 | 不適用 | 不適用 | 適用 | 適用 |
香港寬頻抵唔抵用?
為咗令大家更容易比較，小編特登搵埋其餘三間主流電訊商嘅1000M價位比大家參考。
| 服務供應商 | 寬頻計劃 | 基本月費 | 合約 |
|---|---|---|---|
| 網上行 | 1000M | $198/月 | 36個月 |
| 香港寬頻 | 1000M | $158/月 | 36個月 |
| 中國移動 | 1000M | $158/月 | 24個月 |
| 有線寬頻 | 1000M | $98/月 | 36個月 |
*以上價錢更新至2020年1月
以基本月費嚟睇香港寬頻嘅1000M嘅計劃並唔係最平，但換個角度去諗，其實上網最重要係快同穩定，以一個中位價錢就可以享受全港最快寬頻服務，其實一啲都唔貴喎！
香港寬頻登記教學 (家居寬頻)
第一步) 輸入地址
首先要上HKBN家居寬頻頁面輸入自己嘅家居地址以查詢家居寬頻網絡覆蓋及月費計劃。
第二步) 選擇心水計劃
承上述HKBN依家提供咗100M、200M、500M、1000M 及 2Gbps 共五款選擇，只要按自己需要揀返相關服務即可。 要注意嘅係部份寬頻plan係無得用推薦人計劃，所以有打算用「推薦人優惠碼」嚟獲得額外獎賞嘅朋友就真係要望清楚啲呀！
第三步) 預約師傅上門安裝
鎖定咗心水上網plan後就可以經網上直接預約師傅上門安裝 。香港寬頻有個貼心地方就係客戶有權選擇響安裝後365日內先至啟用服務，呢個功能非常適合一啲已經有轉台嘅打算但本身張合約仲未到期嘅客戶。
第四步) 註冊香港寬頻帳號及完成登記
最後只需要填妥個人資料並開設香港寬頻帳號即可完成網上登記。
(本身已經有HKBN帳戶嘅客戶則直接登入並完成登記即可)
香港寬頻登記教學 (手機上台)
第一步) 選擇服務計劃
香港寬頻手機流動數據服務嘅價錢都相當吸引！目前最熱賣嘅三個plan為；$78/5GB 4G、$88/無限 4G 及 $190/20GB 4.5G計劃。
第二步) 攜號轉台定新號碼?
如果想將現有手機號碼轉到香港寬頻上台的話，建議你響合約完結前約7~10個工作天登記；你亦可以提早登記再延遲啟動服務至最多180日。 至於轉台生效日，記得選擇現有合約完結嘅當日生效，確保完contract果日都有電話用。
如選擇出新手機號碼上台的話，就可以直接響線上揀埋心水號碼及Sim卡領取方式。
第三步) 選擇付款方式及使用優惠編號
揀好哂上述嘅上台plan後就可以進入結賬頁面，香港寬頻目前支援現金、Visa、Mastercard付款方式。 另外持有「香港寬頻優惠碼／優惠編號」嘅朋友記得響頁面下方輸入返呀！
第四步) 確認完成
對過哂個人資料同價錢後如果無問題就可以click確認登記嚟完成網上申請。
流動通訊服務計劃將會於響新卡確認後生效。
香港寬頻手機上網好唔好?
HKBN mobile嘅流動通訊服務網絡係由數碼通及中國移動香港所提供，速度及穩定性上都有一定保證。 另外香港寬頻手機上網計劃嘅定價亦相當進取，4G無限數據上網plan月費低至HK$88起，攜號轉台免收$18行政費，而且呢個計劃仲要全程4G不減速，有一定競爭力。