成日都覺得洗面好似洗得唔乾淨，或者洗完都仲有好多粉刺，咁就要考慮一下Foreo LUNA洗面機喇。Foreo LUNA洗面機出曬名好用又襟用，柔軟嘅矽膠質料，配合T-sonic聲波動力，深層清潔皮膚之餘，仲可以延緩皮膚衰老，有唔同型號，實有一款啱曬你。
Foreo優惠碼／Promo Code
Sorry, no coupons/deals found.
LUNA 3 (最新型號)
| 粉色： | 中性肌，2種刷毛 (粗刷毛：易出油T字位及難清潔位；幼細刷毛：溫和清潔偏乾面頰) |
| 藍色： | 混合肌，多種刷毛 (多種刷毛：易出油T字位及難清潔位；下面兩種刷毛可溫和清潔偏乾面頰) |
| 紫色： | 敏感肌，1種刷毛 (細刷先整體排列，減低刺激，不易引起泛紅刺痛，專為敏感肌而設) |
洗面模式：
- LUNA 3係最新嘅第3代，佢可以話係LUNA 2 嘅升級版，機身大左，刷頭範圍更大，背面嘅按摩範圍更大，刷毛更長更柔軟。T-sonic技術，深入清潔皮膚，配有16個震動強度，仲可以配合FOREO For You APP使用，設定智能模式，全方位清潔面部，洗走多餘油脂、污糟野。
按摩模式：
- 背面嘅波紋傳遞低頻聲波脈動，配合FOREO For You APP嘅4大緊膚塑顏模式，加快面部循環，緊緻輪廓，減淡細紋。
充電：
- 配用USB線叉電就得喇，唔洗擔心插頭問題，非常方便，而且充一次電可以用到650次，即係充一次電夠用一年架喇。
評價：
- 刷毛面積大左，又長左，感覺上好快就碌完塊面，清潔力更強，更乾淨。同埋機身大左，對於手掌大嘅人黎講，比較易D掌握，唔洗驚捉唔實溜走左。不過價錢真係比其他貴好多，有budget的話，可以考慮入手。
LUNA 2 (第二代)
| 粉色： | 中性肌，2種刷毛 (粗刷毛：易出油T字位及難清潔位；幼細刷毛：溫和清潔偏乾面頰) |
| 藍色： | 混合偏油肌，多種刷毛 (多種刷毛：易出油T字位及難清潔位；下面兩種刷毛可溫和清潔偏乾面頰) |
| 紫色： | 敏感肌，1種刷毛 (細刷先整體排列，減低刺激，不易引起泛紅刺痛，專為敏感肌而設) |
| 綠色： | 油性肌膚 |
| 黑色： | 男士專用 |
洗面模式：
- LUNA 2有5種顏色刷頭，適合唔同嘅膚質。設有12種震動強度，採用2倍T-Sonic聲波脈衝，刷頭面積更大，刷毛更長，輕易去除面部污垢。初次使用，需同時按住「+」及「-」，底燈著左，就代表解左鎖。按下中間圓形嘅開關，進入清潔模式，「+」代表增加震動強度，「-」代表減低震動強度，再按中間圓形，會暫停，而底燈會長著。再按一次就進入舒緩模式，再按多一次便關機。
按摩模式：
- 背面波浪震動，增加緊緻舒緩功能，使用完護膚品之後，開啟舒緩模式，導入護膚品，令皮膚更吸收，有助撫平細紋淡紋，令皮膚更緊緻、更有彈性。
充電：
- 使用前要先充電，大約半小時至一小時，而充一次可以用到400次。
評價：
- 自從出左新一代嘅LUNA 3之後，LUNA 2價錢平左少少，如果唔洗帶出街的話，LUNA 2都好值得入手架。以咁多個型號黎講，LUNA 2有多款膚質刷頭，可根據自己膚質選擇。雖然刷頭面積比起LUNA 3可能細左，但比起第一代LUNA都大左，如果你覺得LUNA唔夠用的話，Budget又有限，LUNA 2其實都係幾唔錯嘅選擇。
LUNA mini 3 (最新型號)
煥亮增強清潔模式：
- mini 3係洗面功能上擁有最新嘅煥亮增強清潔模式，配合埋預設嘅洗面模式，按開關鈕兩下就進入洗面模式，30秒之內就完成洗面，之後佢就會自己熄機架喇。
洗面模式：
- mini 3前後都有刷毛，而刷毛比之往嘅mini更長更柔軟，仲有12種震動強度，每分鐘達8000次T-sonic脈衝，可以更快更深層清潔皮膚。除此之外，仲配合埋FOREO For You App，調節震動強度，定制一個適合自己嘅洗面模式。
Find My Luna：
- 如果驚mini 3細細個，唔記得擺左係邊，打開FOREO For You APP，去到Find My Luna版面，點擊Find My Luna，以藍芽連接，然後好似拎住個羅庚咁行黎行去，聽到mini 3瘋狂震動嘅聲音，搵返mini 3出黎。
充電：
- 配有USB充電線，可充400次
評價：
- mini 3暫時係最新型號，集合曬mini 2嘅優點再升級，今次獨特之處係煥亮增強清潔模式，30秒內就完成洗面；仲有Find My Luna，唔洗驚唔知塞左部機去邊。佢嘅刷毛係所有mini型號入面最長最柔嘅，適合所有膚質使用，帶來更溫和更清潔嘅洗面體驗。
LUNA mini 2
洗面模式：
- mini 2適用於任何膚質，有5種唔同顏色，佢嘅機身體積係細左，刷頭面積都係比較細。正面尖端刷頭用黎清潔鼻翼位，正面幼細刷頭用黎清潔面頬，背面刷頭用黎清潔T字位。總共有8個震動強度，
充電：
- 使用前要先充電，大約半小時至一小時，而充一次可以用到300次。
評價：
- mini 2適合拎出街或者去旅行出TRIP用，體積細唔會太佔位，而且價錢比起LUNA 2、LUNA 3平，mini 2絕對可一試。不過用耐左mini 2，會覺得佢太細部，對於手掌大嘅人，有d難控制，同埋刷頭面積太細，要來回刷好多次先刷完塊面，忍唔住要換返部大d嘅LUNA 2或者LUNA 3呀。
LUNA go (妙趣版)
| 粉色： | 中性肌，2種刷毛 (粗刷毛：易出油T字位及難清潔位；幼細刷毛：溫和清潔偏乾面頰) |
| 藍色： | 混合偏油肌，多種刷毛 (粗刷毛：易出油T字位及難清潔位；下面幼細刷毛可溫和清潔偏乾面頰) |
| 紫色： | 敏感肌，1種刷毛 (細刷先整體排列，減低刺激，不易引起泛紅刺痛，專為敏感肌而設) |
| 綠色： | 油性肌膚 |
洗面模式：
- LUNA go體積小巧，好似化妝棉嘅size，以T-sonic聲波脈動，溫和去除面部污垢及化妝品殘留。有4種刷頭，適合唔同嘅膚質，刷頭尖端可清潔鼻翼位置及T字位，其他幼細刷頭可清潔面頰。
按摩模式：
- 背面弧形波紋可以用黎做按摩，以低頻脈動按摩皮膚，減淡細紋，令皮膚變得更緊緻。
充電：
- 可充電，可使用大約2個月。
評價：
- LUNA go呢一款就好似係mini嘅縮細版，洗面、按摩功能都有曬，可以充電，體積細過掌心，最啱係拎出街用或者去旅行用，塞入化妝袋都OK。價錢仲比mini平，負擔都冇咁大呀。
LUNA play (玩趣版)
洗面模式：
- LUNA play體積細細地，好似馬卡龍size咁，機身就有7種唔同顏色，而刷頭係一樣嘅，適合所有皮膚使用。以T-sonic聲波科技清潔皮膚，統一配2區刷頭，尖端刷毛清潔鼻翼位同埋T字位，幼細刷毛就可以清潔面頰，溫和去除皮膚污垢。，
背面：
- LUNA play冇按摩模式，背面就有一個按鈕開關。
充電：
- 可使用100次，非充電。
評價：
- LUNA play可以話係FOREO洗面機嘅入門試用版，唔洗充電，可以使用大約100次到，大約2-3個月(視乎一日洗幾多次面)。除左冇得按摩之外，洗面功能基本上同其他型號大同小異。可以俾大家試用完之後先決定入唔入手埋其他充電嘅「進階版」。而價錢方面，佢仲平過LUNA go一半有多。如果想試下到底啱唔啱自己用，LUNA play就FIT曬喇，
LUNA play plus (玩趣版)
洗面模式：
- LUNA play plus體積同LUNA play一樣，都係馬卡龍嘅大細，有7種顏色。而佢嘅刷頭範圍比LUNA play大左，有2區刷頭，適合所有皮膚使用。刷毛更長又柔軟，幼細嘅刷毛適合面頰，尖端較粗嘅刷毛適合鼻翼同埋T字位，有效將T-sonic聲波脈動傳送到去皮膚，去除皮膚污糟野，溫和咁清潔皮膚。
背面：
- 沒有按摩模式，後面係一個按鈕開關。
充電：
- 可更換AAA電池，可使用大約400次。
評價：
- LUNA play plus係LUNA play嘅進化版，除左刷毛範圍大左、長左、柔軟左之外，仲可以換電池。功能方面，洗面功能同樣都有，只係冇左按摩模式；而價錢只係比LUNA play貴左少少，但比其他要叉電嘅LUNA平左一大截，唔怕換電池麻煩的話，又有budget限制，LUNA play plus 都幾抵玩架。
LUNA fofo
洗面模式：
- LUNA fofo嘅體積小巧，刷頭有2區刷毛，機身有7種顏色。LUNA fofo配合左FOREO APP，以低敏24K鍍金感應器感測皮膚水分狀況，將皮膚結果直接send返去手機，FOREO APP完成左皮膚分析之後，會提供度身訂做嘅清潔方案，根據皮膚水分狀況，定制清潔強度同埋時間。加埋T-sonic聲波脈動，兩區唔同嘅刷頭，溫和清潔皮膚，將污糟野洗走。
背面：
- 背面有一個按鈕開關同埋24K鍍金感應器，沒有按摩模式。
充電：
- 非充電，可換兩節AAA電池，大約可用400次。
評價：
- LUNA fofo嘅亮點係，佢可以配合FOREO APP，感測皮膚水分狀況，定制清潔方案，提你邊個位需要特別保濕，令到護膚過程變得智能化同埋可以有更好嘅體驗。另外，唔洗驚充電線會唔見左，換2節AAA電池就可以OK了。如果想體驗一下智能化同埋度身訂造嘅感覺，可以入手呢部LUNA fofo，價錢比其他大機LUNA同埋mini都平好多架。
Foreo洗面機產品比較:
雖然友和上賣嘅產品本身已好平，但買之前記得入嚟我哋嘅優惠Page睇下近排有咩優惠，分分鐘可以額外慳多5~10%架！