【按摩槍推薦】各大牌子大比較,一篇睇哂優缺點

0

以前運動一個鐘之後,肌肉酸痛可以點樣做? 等佢自己散,過一個星期就無事。有咗按摩槍嘅出現,第二日已經唔再痛,對於鐘意做運動嘅人係福音。聽朋友講運動完之後,理應要用一個鐘時間去拉筋,將運動過後嘅肌肉拉長,令肌肉線條變得更加好睇。所以每次外出工幹、旅行都會帶埋按摩槍。有咗按摩槍,佢就可以輕鬆躺係床上按摩肌肉,慳返唔少拉筋時間,非常方便。

小編都鐘意做運動,最近有興趣入手一部按摩槍,一來太多牌子唔知點揀,二來唔識正確用法,有好野梗係一齊分享,為大家介紹幾款人氣按摩槍。

如何挑選按摩槍

市面上嘅按摩槍功能大同小異,主要以頻率、按摩接觸面附件及使用時音量作為分別,另外價錢由數百元到數千元不等。市面上按摩槍嘅頻率相約,大家購買時可留意震動時發出嘅音量及電池量作為挑選要點。

 

按摩槍品牌推薦

1. Phoenix A2E深層肌肉按摩槍 港幣$399

可調式振動肌肉按摩槍,舒緩筋膜肌肉酸疼緊張;極速增加運動效能,肌肉回復率大增,隨時隨地為下一次運動做好準備,協助運動及健身訓練更有效。

  • 轉震幅:最低轉速為1200 /分鐘RPMs,最高轉速為3200 /分鐘RPMs
  • 電池容量:24V 1500mAh電池,可連續使用2小時
  • 按摩頭數量:配備有四款按摩頭,
  • 重量:1.1KG輕便可攜

 

2. Meresoy Mini靜音筋膜按摩槍 港幣$640

呢款靜音按摩槍45DB低噪音運行模式,比同類產品更低噪音;智能AI芯片,10分鐘智能控電;60秒智能關機。附專用收納包,攜帶方便。讓長期面對電腦,缺乏身體鍛煉,以及家務勞累舒緩肌肉痠痛使用。

  • 轉震幅:2800 /分鐘RPMs
  • 電池容量:一次充電強力續航7小時
  • 按摩頭數量:配備有六款按摩頭,針對不同肌肉部位
  • 重量:0.8KG超輕機身

 

3. 小米Yunmai深層肌肉靜音按摩槍 港幣$829

同家用按摩器唔同,呢款YUNMAI按摩筋膜槍主要針對係運動人士。可以通過強勁嘅高頻振動穿透10mm深層肌肉,減少肌肉與筋膜之間嘅粘連與結節,放鬆運動後緊繃嘅肌肉,減輕運動後嘅疼痛,防止運動損傷。按摩槍附專用收納包,方便收藏。

  • 轉震幅:3200 /分鐘RPMs
  • 電池容量:1600mAh長效儲能鋰電池,7小時長久續航
  • 按摩頭數量:配備有四款按摩頭
  • 重量:0.8KG輕巧機身

 

4. Meresoy 9° 深層肌肉靜音按摩槍 港幣$1,099

呢款專業級按摩器材有助於緩解肌肉緊張、疼痛和背部僵硬,適合需要深度按摩嘅專業人士使用。6檔位變頻震動,12mm振幅,定製嘅按摩頭部,提供放鬆按摩體驗,減少骨骼損傷,針對所有肌肉組、脊柱、關節等。配備智能AI芯片,持續使用10分鐘後智能斷電,安全穩定。

  • 轉震幅:最低轉速為1200 /分鐘RPMs,最高轉速為3200 /分鐘RPMs
  • 電池容量:2600mAh大容量鋰電池
  • 按摩頭數量:配備有六款按摩頭
  • 重量:1KG易於收納攜帶

 

5. Booster PRO 3深層肌肉治療按摩槍 港幣$2,388

按摩槍機身以電鍍噴漆上色,加上手握位置以磨沙處理,可增加磨擦力改善手握感,並且以工業級高功率無刷電機組成,採用最高4檔3300轉嘅 ISC定製軸承及美國CMOS以減少熱損耗,提升傳動效率。第三代降噪技術,超靜音運行,配合24V動力鋰電池,以及自行研發嘅第二代變壓控制系統調整衝擊力度,令按摩槍可以12mm強大穿透力,爆發最高15KG嘅無間斷按壓力度。

  • 轉震幅:3300 /分鐘RPMs
  • 電池容量:2400mAh鋰電池,每日使用20分鐘可使用半個月
  • 按摩頭數量:配備有六款按摩頭
  • 重量:1.2KG

 

6. ELEEELS X1T深層肌肉按摩槍 港幣$2,800

特強高速無刷電機馬達每分鐘可敲擊3200次,快速機械敲擊震力穿透多層肌肉筋膜等軟組織,有助促進血液循環,迅速減少乳酸,消除肌肉疲勞、疼痛、僵硬,並預防因運動及久坐引起的肌肉傷害。手柄以90度設計,將會為長時間使用的用戶帶來疲累。傾斜手柄將以更細心及優良嘅設計,為用戶帶來更舒適嘅體驗。採用註冊技術Endurance Motion Technology,令產品能源效益提高30%,更持久耐用;另一註冊技術Quiet Motion Technology大大減少活塞噪音,操作更寧靜,令用家使用時能完全進入鬆弛狀態。

  • 轉震幅:3200 /分鐘RPMs
  • 電池容量:高品質鋰離子電池,每次充電只需兩小時。充電後,可持續使用3小時(高速效果)至15小時(低速效果)
  • 按摩頭數量:配備有四款按摩頭
  • 重量:1.1KG

 

7. TheraGun G3PRO 肌肉神經衝擊治療按摩槍 港幣$3,899

專業深層肌肉治療專家,以最先進嘅深層組織按摩裝置,以及16mm振幅更深嘅肌肉治療,有效緩解肌肉緊張、疼痛和疼痛,快速激活肌肉。符合人體工程學嘅Theragun三角形把手從多個握把,比其他按摩師更舒適地對待下背部等難以觸及嘅區域。五種治療效果促進血液及淋巴循環,四種角度任意調較,更方便自我放鬆。12V鋰電池技術,2個可充電鋰離子電池組。

  • 轉震幅:最低1750 /分鐘RPMs,最高2400 /分鐘RPMs
  • 電池容量:Samsung Lithium-ion 4 cell, 2.5 amp,最長達75分鐘
  • 按摩頭數量: 配備有六款按摩頭
  • 重量:約3磅

 

 

按摩槍實力比較

品牌型號震動模式轉震幅按摩頭續航力 (小時)重量價錢 (HKD)
Phoenix A2EA2E3檔32004件21.1 KG$399
MeresoyMini3檔28006件7 0.8KG$640
YunmaiN/A3檔32004件7 0.8KG$829
Meresoy6檔32006件71KG$1099
BoosterPRO 34檔33006件61.2KG$2388
ELEEELSX1T6檔32004件31.1 KG$2800
TheraGunG3PRO2檔24006件1.51.36KG$3899

以CP值嚟睇,小編認為Meresoy 9° 深層肌肉靜音按摩槍係最抵買之選!以差不多一千蚊嘅價錢買到有6個檔次、3200轉、供6款唔同嘅按摩頭、可用7個鐘,只係重1KG嘅按摩槍。以上資料純屬參考,都係按返個人需要及購買力去選擇會比較好。

 

如何正確使用按摩槍

唔同大小嘅肌肉應配合唔同嘅震動頻率,建議由低至高調較,避免力度過大造成肌肉受傷。如此同時亦可以配上唔同接觸面嘅按摩頭去達至肌肉放鬆效果,大多附有4至6個按摩頭供更換,以下為大家介紹常見槍頭及其功用:

1. 標準球形按摩頭 ▼

最為常用嘅一款按摩頭,日常放鬆肌肉都可使用。建議於同一塊肌肉上使用時間嘅超過3分鐘。

 

2. 大圓球按摩頭 ▼

可大範圍使用嘅按摩頭,多用於大肌肉上。用於唔同位置都唔易疼痛。受力較平均,建議使用時間為5分鐘內。

 

3. 大拇指形按摩頭 ▼ 

運動後腰背痛可利用此按摩頭嚟舒緩腰背及痙攣觸痛點。

 

4. 錐形按摩頭 ▼

係眾按摩頭最尖,可針對較小嘅肌肉,如腳部和腕部。一般力度較高,建議於同一塊肌肉上使用時間唔超過3分鐘。

 

5. 減震型按摩頭 ▼

佢嘅質料最軟,所以運動後嘅劇裂痛楚或骨骼周邊都可以使用。

 

6. 楔形按摩頭 ▼

雖然外形似個鏟,但其實係後闊前窄。功能獨特,可刮擦肩胛骨和大腿側。

 

按摩槍一般應用係比較大塊嘅肌肉上,如胸大肌、小腿後肌群、梨狀肌(臀部),至於其他面積較小嘅肌肉,使用之前應個別咨詢健身教練以及物理治療師。建議於運動及肌肉訓練後以按摩槍作放鬆,令血液循環系統加快,加快乳酸排走,加快肌肉恢復。按摩槍可配備不同大小及形狀嘅按摩槍嘴,方便用家因應需要選用。

 

使用按摩槍八大謬誤

1. 運動後出現任何痛楚都可用按摩槍紓緩?

按摩槍可改善肌肉痠痛、繃緊等勞損;但運動受傷出現肌肉痛楚伴隨紅腫熱,則有可能係急性發炎,切忌使用按摩槍按壓患處,否則會加重傷勢。

2. 用力過度或超時使用有咩後果?

按摩槍嘅力量較大,好適合用於大肌肉群,如臀部及股四頭肌等肌肉較厚部位,使用上遵守「先輕柔」原則,根據感覺逐漸加深加強力度;同時根據部位更換合適嘅按摩頭,且唔可能係同一位置按摩太長時間,適度即可達到功效。至於時間,每次用按摩槍,唔可以係同一位置按摩太長時間,建議按5至10分鐘。

 3. 可用於肌肉發炎位置?

如果係臀部、大腿、小腿及手部嘅痠痛,屬於運動過量及運動傷害所造成,則唔可以再施加刺激,以免造成更嚴重嘅發炎反應。

4. 可用於關節痛及肌肉較薄處?

按摩槍只適用於肌肉上,當高頻率力量傳至骨骼,力量反彈至韌帶,最終可能因負荷過大而受傷。特別係足底、膝蓋、肩膊、脊椎、腰椎等關節及肌肉較薄處,仲有背部脊椎、大血管及淋巴神經匯集處,係無專業指導之下,都應避免使用造成傷害。

5. 全身所有肌肉都可以用按摩槍?

以下位置都不宜用按摩槍:

  • 頸動脈或股動脈位置
    雖然大動脈壁較厚,但不斷承受重力都有可能受損,受損出現血栓,一旦血栓脫落,隨血液流入腦部阻塞腦血管,可導致缺血性中風。
  • 胸腹
    因為接近心臟、肺部等主要器官,可能會震傷。
  • 腋窩
    腋窩佈滿淋巴組織及神經線,或會令淋巴受損發炎,或傷及神經線,導致手部麻痺。

6. 低頭族的頸肩腰痠痛,可用按摩槍紓緩?

姿勢不良或肌力不足等引起嘅痠痛,未必需要使用如此高頻率嘅按摩器。尤其經常久坐不動、肌力欠佳人士,肌肉彈性較差,承受唔到按摩槍嘅高頻率力量,容易受傷。其實一般腰痠背痛,可用人手或一般家用按摩儀器紓緩,力道唔會太強,減少受傷風險。

7. 按摩槍可以當拉筋用?

使用按摩槍和拉筋嘅放鬆肌肉程度明顯唔同,因為拉筋會刺激到肌肉神經,比起單純使用會按摩槍帶嚟更持久嘅放鬆效果,所以若然時間許可嘅話,都係建議以拉筋取代使用按摩槍去放鬆肌肉。

8. 使用按摩槍可以減肥?

按摩槍主要透過高頻率震盪,讓力度傳送至深層的肌肉,達到放鬆肌肉及筋膜,加快血液循環及肌肉恢復。而減肥主要透過飲食及運動配合,達至減低體脂比例,因此按摩槍並唔可能達至減肥效果。

你可能感興趣

發表提問

Your email address will not be published.