Chanel Coco Flash Club懷舊彩妝派對 – 7大必影打卡位

0
CHANEL為慶祝ROUGE COCO FLASH透亮光感唇膏推出,於5月10至26日特意舉辦靈感來自80年代Disco派對嘅Chanel Coco Flash Club。場內有唔少80年代Disco嘅擺設同打卡位,例如鏡面反光球、咪高峰舞台、彩妝體驗專區、閃爍舞池及投幣懷舊點唱機等,任試任玩!

呢個活動係為慶祝ROUGE COCO FLASH透亮光感唇膏系列唇膏誕生。呢個系列嘅唇膏含水潤複合物蘊含天然蠟質,質感水盈潤滑,易搽亦易抹。

 

LE ROUGE DUO ULTRA TENUE持久亮色兩用唇彩同樣備受注目,一邊係長效持久啞色唇彩,一邊是閃亮唇蜜,一支兼備兩款顏色,帶一支出街就搞掂。持久亮色兩用唇彩即使你飲完咖啡,都唔怕會甩色要補妝。而且係第一次係香港有售,入到場大家把握機會入手!(數量有限,售完即止。)

 

大家可以係網站登記預約,於指定日子及時間去到現場,係門口俾職員scan一scan個QR code, 就可以進場。職員向每位派發一個補光器,復古唱片後面就係COCO FLASH CLUB嘅入口,大約一分鐘左右隨即踏進神秘嘅派對,係音樂旋律下展開探索之旅。

 

打卡位1:入門口左右兩邊粉紅色CHANEL大Logo

 

打卡位2:去到MADEMOISELLE’S DRESSING ROOM化妝間,房裡面放滿咗CHANEL嘅唇膏、唇彩、指甲油及粉底,唔需要尖叫!粉絲們可以體驗晒所有唇色同甲油!

 

打卡位3:試完彩妝,大家可以去到THE SCENT香氛酒吧體驗CHANEL人氣嘅香水系列。係充滿Disco嘅氣氛底下,用玻璃杯體驗香水產品,實在好似置身係Clubbing當中。

 

打卡位4:體驗完彩妝及香水產品後,可以去到互動舞池試玩懷舊點唱機,職員會協助投入金幣,係JUKEBOX懷舊點唱機揀選自己鐘意嘅顏色,燈光會因應你揀咗嘅顏色不停地變化,瘋狂自拍或者叫職員幫你影相都得。

 

打卡位5:呢套鼓最吸精嘅部分係CHANEL大logo,必影!

 

打卡位6:天花嘅裝飾仲靚呀!有鏡面反光球、CHANEL大Logo,好夢幻!

 

打卡位7:老遠見到出口處排晒長龍,就係個到啦!

 

私心推介!洗完手香味仲Keep住 – COCO Moisturizing Body Lotion勁香之餘有閃粉點綴,用少少香足全日,仲可以當埋香水用。

 

另一款一度斷市推介La Crème Main滋養精華護手霜,輕盈、清新及迅速滲透嘅質感,不油不膩嘅觸感。配方蘊含五月玫瑰蠟質,水潤保濕,締造柔軟嫩滑嘅雙手。香根鳶尾花萃取發揮亮肌效能,雙手獲得滋潤及保護,重拾柔嫩彈滑。

 

今次除咗打卡影相之外,試過唔同嘅產品想買返屋企?CHANEL提供唔同嘅優惠套裝俾你選擇,有化妝袋送tim~

 

打完卡臨走記得還返個補光器,再同職員show返個QR Code,就有一份精美禮品俾你拎走啦!

 

COCO FLASH CLUB活動詳情

日期:5月10日至26日
時間:10:00 – 22:00
地點:銅鑼灣 Fashion Walk 記利佐治街11-19號地下6-7及20號舖

 

#CHANEL
#COCO FLASH CLUB
#ROUGE COCO FLASH
#LE ROUGE DUO ULTRA TENUE

你可能感興趣

發表提問

Your email address will not be published.