＊＊重要公告: BloomMe網上預約平台已於2020年4月14日停業＊＊
講起按摩、Gel甲、做Facial，唔少人第一時間都會諗起北上深圳。 但北上閒閒地都要抽出一日半日時間，而且又要搵埋班Friend子一齊上，變相就要夾哂天時，地理，人和先可以起行。 今次就要為大家介紹一個本地手機應用程式「BloomMe」，可以經手機app即時預訂，唔駛再逐間打去問，依家憑優惠碼仲可以免費試用添！
BloomMe優惠碼／Discount Code
平台簡介
BloomMe係香港嘅一站式美容預約 App！可以預約超過 1800 間本地優質水療，按摩及美容等服務。 而BloomMe最大嘅特點係可以將美容中心嘅服務／價格／可預訂時段等資訊一次過展示哂上個App度，既可以隨時隨地預約心水服務，又唔駛怕上門後先比人獅子開大口。
預約教學
1. 下載BloomMe應用程式並註冊帳號。
2. 選擇心儀項目。
3. 例如我揀咗按摩服務，BloomMe就會因應評分而將按摩店鋪由高至低排列。
4. 你亦可以點擊右上角篩選器，以地區/價錢/人氣等條件搵出最啱自己心水嘅服務。
5. 揀好店鋪後就可以選擇自己想要嘅服務。 App入面嘅菜單已包含咗時間及價格，完全明碼實價架！
6. 確認好服務後就可以進入購物籃頁面，記得千祈唔好唔記得入BloomMe優惠碼呀！首次可以獲得$150減免架！原本$238嘅按摩服務，折盡之後只需$16就可以埋單，平過北上呀！
7. 用完Discount Code就可以經線上俾錢，BloomMe呢個App支援信用卡或Paypal付款，相當方便。
8. 成功預訂後，會顯示店鋪地址、預約時間、預約項目等資訊 (小編最後揀咗古法泰式按摩，用埋優惠券1蚊都唔駛俾！）
實測分享
1. 預約當天，小編只需要跟住App內嘅地圖指示就搵到地址，都算幾易搵。
2. 入去之後只需要向櫃台職員展示手機預約就得，職員會安排你坐埋一邊等等。
3. 等咗幾分鐘左右技師就帶我地入房。雖然房間嘅空間感無泰國果邊咁闊落，但裝潢都係有悉心安排過，加上泰國技師嘅手勢，真係差啲以為自己身處泰國。
4. 按摩會提升血液循環，加快新陳代謝，所以按摩過後技師都會為客人送上一杯熱茶，大家記得飲埋先走呀~
BloomMe好唔好?
其實呢個APP真係幾方便，揀好哂想要嘅項目先預訂，訂完之後直接上門向職員展示手機預約詳情就得，唔駛驚上到去先比人Sell貴Plan。 而今次小編試嘅呢間Nutri Slim Spa有埋駐場泰國技師，手勢一流，唔駛飛到泰國都可以享受正宗泰式按摩！
注意事項
用BloomMe呢個APP有兩點需要注意，一) 呢個APP只接受即日及翌日預訂，無得提早幾日Book定。 二) 預約時間一旦被接受就無得更改，呢度有少少麻煩。 希望BloomMe日後會繼續優化應用程式，等用戶可以更彈性處理預約服務。
＊＊重要公告: BloomMe網上預約平台已於2020年4月14日停業＊＊