內文有自由鳥優惠碼及遨遊sim優惠碼送返！講起手機上網相信大家都有唔少慘痛經歷，例如續完約先從朋友口中得知有更抵用嘅plan，但自己個新約要綁兩年，都咪話唔吐血！ 所以今次決定介紹下呢間無合約，無行政費嘅手機流動電訊服務商「自由鳥 birdie」，而且內文仲有自由鳥優惠碼送返俾大家添！
自由鳥Mobile優惠碼／推薦碼
自由鳥Travel／遨遊sim優惠碼
自由鳥服務簡介
自由鳥Birdie其實係SmarTone旗下嘅手機電訊商，主打無合約上台月費計劃及平價漫遊預付卡 (旅遊Sim Card)，整個上台流程都係網上完成，由註冊至完成上台只需10分鐘。
自由鳥上台計劃
自由鳥目前提供三種上台計劃，分別係基本計劃，學生計劃及恆生學生計劃。
- 自由鳥基本計劃 (4G)：月費為$48/500MB、$90/5GB、$120/7GB 及 $140/12GB。
- 自由鳥學生計劃 (4G)：月費為$90/6GB、$120/9GB 及 $140/15GB。
- 自由鳥恆生卡學生計劃 (4G)：月費為$90/6GB、$120/9GB 及 $140/15GB。
兩個學生上台計劃其實分別不大，分別在於有恆生卡嘅學生每月可以有1~2日「亞洲12地漫遊數據」，返大陸或過澳門都可以用漫遊數據上網咁解。
自由鳥抵唔抵用?
為求令大家更容易簡單比較，小編特登上咗三大電訊服務商網站搵價位類近嘅plan同自由鳥作比較，下表已清晰可見自由鳥Birdie嘅價錢最平之餘，全速數據亦達12GB之多！用囇12GB之後亦可以以不高於128Kbps速度繼續無限上網，無限數據嘅速度望落同其他服務商差唔多。
| 服務供應商 | 無限數據 計劃 (全速) | 通話 分鐘 | 上網速度 | 行政費 | 合約 |
|---|---|---|---|---|---|
| 自由鳥 (4G) | $140 / 12GB | 無限 | 21Mbps | 轄免 | 無 |
| 3香港 (4.5G) | $108 / 5GB | 3000 | 無註明 | $18 | 24個月 |
| CSL (4G) | $158 / 5GB | 無限 | 21Mbps | $18 | 24個月 |
| Smartone (4.5G) | $168 / 8GB | 無限 | 無註明 | 轄免 | 24個月 |
*以上價錢更新至2020年3月
睇完上面個表之後，相信眼利嘅朋友已經發現唯獨是自由鳥同CSL仲行緊4G。 雖然4.5G響全速嘅情況下比4G快成四倍之多，不過其實呢啲數據都係睇下就算，皆因上網速度會受到好多因素影響，而且亦唔見得啲電商訊會開全速比你用。所以就算你個plan係4.5G，到頭來實際感覺都可能同4G無分別。
自由鳥上台教學
第一步) 開帳戶
只要上Birdie自由鳥官網簡單花一分鐘時間用電郵註冊即可。
第二步 上) 揀計劃
客戶可以因應自己需要而選擇唔同嘅上台計劃，普遍最多人揀嘅係$90/5GB plan，平均每GB流量為港幣$18。 但今時今日5GB真係唔係好夠用，所以建議各位直接揀$140/15GB plan，除返開每GB只需港幣$9.3，比$90計劃差唔多平成一半。
第二步 下) 攜號轉台定新號碼?
揀好上台計劃之後就要決定揀「攜號轉台」定「新號碼轉台」。
如果想將現有手機號碼轉到自由鳥上台的話，你依家嘅台會響你成功轉台後同時終止合約。 假如你依家個台仲有三個月先完contract，但你呢一刻就即刻申請轉台的話，咁你舊果個台都仲要繼續俾多三個月月費先叫正式完咗份合約。
由於小編自己都想要多個新手機號碼，所以直接揀新號碼轉台，再響app內揀返心水號碼即可。
第三步) 填資料
無論係「攜號轉台」抑或「新號碼轉台」都要填妥個人資料，填完資料後記得check返啲資料岩唔岩，同埋對多次自己所揀嘅服務計劃。
第四步) 付款
最後只需用手機簽署服務計劃，選擇收取SimCard方式及線上完成付款即可。
自由鳥目前提供郵寄 (3~5天) 及 便利店或全線759阿信屋自取 (即時) 兩個選擇，想即買即用嘅朋友不彷揀自取。
如有自由鳥推薦碼或自由鳥優惠碼嘅朋友記得響俾錢前於付款頁面下方輸入返呀！
*推薦碼只適用於選擇月費計劃$90以上之用家。
第五步) 完成及領取SimCard
完成付款後就會見到下圖左邊嘅畫面，與此同時亦會響你所登記嘅電郵收到確認郵件。
選擇咗自取嘅朋友只需要憑下右邊嘅QR Code去指定嘅OK便利店或全線759阿信屋自取即可！
自由鳥好唔好?
其實綜合嚟講自由鳥確係幾適合不羈放縱愛自由嘅香港人，一黎唔駛比合約綁身就算之後用用下唔滿意都可以隨時華麗轉身走人，二黎價錢真係比其餘三大電訊商平唔少，免行政費之餘又唔驚比人亂收費，每個月嘅開支都更容易計算。
最後提提大家要記住一份錢一份貨嘅道理，作為Smartone旗下主打低價位市場嘅自由鳥，響售後服務同埋優先次序安排都一定會輸蝕啲。 例如自由鳥Birdie係無客戶服務熱線，有咩事上黎都要經個Facebook Messenger、Birdie app及電郵先可以同客服聯絡。 另外亦有唔少網民話數據用爆咗之後就慢到上唔網甚至被鎖data，所以揀咗數據量較少嘅朋友就真係要睇住黎食，免得流量唔夠支撐到月尾。