【2020氣炸鍋推薦 香港】優缺點逐一比較, 內附食譜教學

0

近年香港地唔少人都追捧氣炸鍋,開口埋口都講氣炸,到底氣炸鍋邊款好用呢?咁多個牌子,平嘅300幾蚊就有,貴嘅要成千幾蚊,點揀先好呢?所以小編推薦幾款市面上熱門嘅氣炸鍋,等大家方便比較慢慢篩選,咁就好易揀到自己想要咩架喇。

氣炸鍋原理

氣炸鍋其實係以超高溫氣流形成熱空氣循環,食物由上而下咁被熱空氣包圍,從而加熱食物。食物嘅烹調均勻度比其他烹調方式仲提高左50%,兩邊都可以整到金黃色。同時,熱循環將食物入面嘅油脂迫出黎,可以唔洗落油或者比以前落得更少油,又做到外脆內軟嘅口感,攝取嘅油份少左,變相健康左。

 

氣炸鍋推薦【Philips 飛利浦篇】

1. Philips Avance Collection HD9654 空氣炸鍋 XXL  HK$ 2480

Philips Avance Collection HD9654

飛利浦呢個牌子算係氣炸鍋界嘅貴婦,有專利Twin TurboStar技術。而HD9654呢個型號就係最貴嘅,佢容量最大,份量夠6個人食,配以LED數碼顯示屏,五種預設烹調模式,仲有簡易保溫模式。溫度同埋時間控制比起其他型號更全面,烹調溫度最低可以去到40°C,處理到氣炸士多啤梨乾、蘋果乾呢類低溫烹調方式,跟機附送食譜同埋少量配件。

  • 型號:Philips HD9654
  • 尺寸:: 433x321x315 毫米
  • 顏色:黑色
  • 電壓:220伏
  • 輸出功率:2225瓦
  • 時間控制:最長60分鐘
  • 溫度控制:40°C -200°C
  • 預設模式:5種( 冷凍薯條、肉類、鮮魚、全雞、雞腿)
  • 保溫模式:最長30分鐘
  • 顯示屏:LED數碼顯示屏
  • 容量:1.4kg (放得落原隻全雞,最多6人份量)
  • 插頭:3腳插
  • 保養:友和提供7天有壞包換購物保障;廠方或代理方提供兩年全球保養和維修

 

2. Philips HD9743 Airfryer Twin TurboStar 健康空氣炸鍋 HK$1586

Philips HD9743 Airfryer Twin TurboStar

呢款HD9743除左容量、預設模式比HD9654少左之外,其他嘅技術同上面XXL基本上係一樣嘅,配以LED數碼顯示屏,中間圓形嘅QuickControl快速控制旋鈕係主要嘅控制器,以扭轉方式設定適合溫度和時間,簡單易上手。HD9743嘅容量係夠曬3-4人家庭架,同樣都會附送食譜及配件。

  • 型號:Philips HD9743
  • 尺寸:: 365x266x280 毫米
  • 顏色:黑色
  • 電壓:220伏
  • 輸出功率:1425瓦
  • 時間控制:最長60分鐘
  • 溫度控制:80°C -200°C
  • 預設模式:4種(冷凍薯條、肉類、鮮魚、雞腿)
  • 保溫模式:最長30分鐘
  • 顯示屏:LED數碼顯示屏
  • 容量:0.8kg (最多4人份量)
  • 插頭:3腳插
  • 保養:友和提供7天有壞包換購物保障;廠方或代理方提供一年香港本地保養和維修

 

3. Philips HD9723/71 健康空氣炸鍋 (黑色 $1598 / 湖水綠 $1598)

Philips HD972371 Airfryer Twin TurboStar

HD9723係飛利浦入面價錢比較平嘅型號,唔好以為佢平就唔好用呀,其實佢個核心冇變,都係用專利Twin TurboStar技術,只係外在有少少改動:例如2個機械扭掣控制時間溫度,操作就好似微波爐咁,扭動調校適合嘅溫度、時間。雖然時間控制最多30分鐘,要加時就要人手郁,不過都無傷大雅,因為烹調個陣都需要中途拎出黎加調味料。

佢少左保溫模式同埋預設模式,都唔算好影響,因為烹調嘅時候都係跟食譜,未必真係跟預設模式;而佢有兩個顏色:湖水綠同埋黑色,飛利浦只係得呢個型號有湖水綠,而湖水綠係比黑色貴少少架。

  • 型號:Philips HD9723/71 & HD9723/11
  • 尺寸:266x292x276 毫米
  • 顏色:湖水綠 71 / 黑色 11
  • 電壓:220-230伏
  • 輸出功率:1300-1500瓦
  • 時間控制:最長30分鐘
  • 溫度控制:80°C -200°C
  • 容量:0.8kg (最多4人份量)
  • 插頭:3腳插
  • 保養:友和提供7天有壞包換購物保障;廠方或代理方提供一年香港本地保養和維修

 

氣炸鍋推薦【Shanben 山本篇】

4. SB-D16家用五代空氣炸鍋大容量 智能無油煙薯條機電炸鍋薯條 RMB199

山本 SB-D16
山本係淘寶國貨黎嘅,點解都有好多人用,因為佢嘅價錢平過飛利浦5倍架,200幾蚊就有交易。功能上都拍得住飛利浦,360°高速熱空氣循環,9葉強勁風扇,環繞導風槽,令熱力全面滲透食物,食物快速均勻受熱,氣炸出黎嘅效果同飛利浦差唔多嘅。

不過佢嘅用料可能就差少少,好多人都話用用下會甩coating易潔塗層、開唔到機,唔好彩的話,運送過程有機會撞爛部機。插頭方面,可以問下賣家有冇得幫你轉埋三腳插,唔得就要自己黎或者額外加轉插。所謂一分錢一分貨,真係要認真考慮呀。

  • 型號:山本 SB-D16
  • 尺寸:324x260x330 毫米
  • 顏色:黑色
  • 電壓:220伏
  • 輸出功率:1400瓦
  • 時間控制:最長30分鐘
  • 溫度控制:80°C -250°C
  • 容量:3.5L
  • 保溫模式:有
  • 插頭:兩腳插
  • 保養:購買天貓商品只換不修,有延保服務,問左客服包唔包退貨、換貨先好買呀

 

氣炸鍋推薦【Biyi 比依篇】

5. 比依空氣炸鍋烤箱60A家用全自動智能電炸鍋11升 RMB1899

比依空氣炸鍋烤箱60A

國產寧波比依氣炸鍋係焗爐同氣炸鍋嘅合體,採用旋渦式熱流,360°熱風加熱食物,機內發熱管完美隱藏,唔驚俾油濺到污糟曬。外形正正方方,三層烤架設計,可以係透明玻璃窗睇到食物加熱情況,仲有好多配件附送:烤雞架、串燒架、滾動炸籃、取物叉,內置自動翻轉烘烤功能,睇住隻雞、豬手吊係到轉下轉下,唔洗人手翻轉都可以自動均勻烘烤食物。底部放置接油渣托盤,輕鬆易清洗。溫度同埋時間控制範圍大,30°C-80°C可以製作干果,唔洗驚火力太猛搞到燶曬。

  • 型號:比依 AF60A
  • 尺寸:380x360x435 毫米
  • 顏色:黑色
  • 電壓:220伏
  • 輸出功率:2000瓦
  • 時間控制:2-24小時
  • 溫度控制:30°C -200°C
  • 預設模式:6種 (炸、煎、烤、焗、焙、燜)
  • 顯示屏:數碼顯示屏
  • 容量:8L
  • 插頭:兩腳插
  • 保養:購買天貓商品只換不修,有延保服務,問左客服包唔包退貨、換貨先好買呀

 

 

氣炸鍋推薦【Daewoo篇】

6. 韓國Daewoo健康無油空氣炸鍋2.6L HK$323

DAEWOO DEF-D2600
Daewoo係韓國係好出名嘅大牌黎架,Daewoo氣炸鍋,顏色多又特別,特別係蜜桃粉同薄荷綠,真係觸動曬少女心呀。同其他氣炸鍋一樣,以熱空氣循環將食物均勻加熱,食物做到外脆內軟嘅效果。有分電子顯示屏同埋機械扭掣兩款,不過電子介面就有少少複雜,唔及飛利浦咁易上手。另外,Daewoo佢係兩腳圓插,用個陣一定要加轉插或者換三腳插頭。

  • 型號:DAEWOO DEF-D2600
  • 尺寸:315x270x300 毫米
  • 顏色:多款(蜜桃紅、薄荷綠、米黃、黑、白、藍)
  • 電壓:220伏
  • 輸出功率:1500瓦
  • 時間控制:最長30分鐘
  • 溫度控制:80°C -200°C
  • 容量:2.6L
  • 插頭:兩腳插,需換香港轉插
  • 保養:除左配送錯誤、產品缺陷之外,沒有退貨服務

 

氣炸鍋推薦【Tefal篇】

7. 特福健康氣炸鍋 FX202D HK$1429

特福健康氣炸鍋 FX202D
法國特福氣炸鍋採用Air Boost空氣增壓技術,熱風令食物受熱均勻,同時煮食嘅時候唔洗落油,或者落好少嘅油就OK,食物外脆內軟。佢外形好似一個迷你雪櫃咁,配以可拆式2合1炸籃,可以擺入洗碗機內清洗。設有8種預設模式,仲有保溫及延遲烹煮功能,用數碼屏幕操作,簡單易用。

  • 型號:TEFAL FX202D
  • 尺寸:315x270x300 毫米
  • 顏色:黑色
  • 電壓:220伏
  • 輸出功率:1430瓦
  • 時間控制:最長60分鐘
  • 溫度控制:80°C -200°C
  • 顯示屏:數碼屏幕
  • 預設模式:8種 (急凍薯條,急凍小吃,雞,肉排,魚,蔬菜,焗,解凍)
  • 容量:1.2kg (4人份量)
  • 插頭:3腳插
  • 保養:12個月

 

氣炸鍋推薦【SENCE篇】

8. SENCE 全體加熱掛爐燒 空氣炸鍋 黑/白色 HO-020BK HK$1990

SENCE 全體加熱掛爐燒 空氣炸鍋
SENCE呢款日系設計「冚家熱」掛爐燒,其實就係將光波爐同埋氣炸鍋理念二合為一,以360°熱風循環加熱,0.2秒就可以瞬間加熱。佢嘅透明外蓋,可以俾你睇到食物嘅加熱情況,而且仲可以吊起成隻燒雞,仲可以用黎整串燒tim,除此之外,仲可以用黎炒餸,真係一機多用喇。

  • 型號:SENCE HO-020BK/ HO-020WH
  • 尺寸:400x330x410 毫米
  • 顏色:黑色BK /白色 WH
  • 電壓:220伏
  • 輸出功率:1500瓦
  • 溫度控制:最高250°C
  • 預設模式:20多種
  • 保溫模式:有
  • 插頭:3腳插
  • 保養:友和提供7天有壞包換購物保障;廠方或代理方提供一年香港本地保養和維修

 

氣炸鍋推薦【Voglia篇】

9. Voglia 2合一空氣烤箱 12L  HK$655

Voglia氣炸鍋

 

Voglia呢款氣炸鍋係氣炸鍋同埋焗爐嘅混合體,機身頂部同埋底部都有不停運轉嘅雙重碳素燈管熱綫,以熱空氣循環加熱食物,設有熱綫安全網,防止油彈上發熱綫。Voglia外形似迷你雪櫃,有3層烤架設計,可以一次過整唔同嘅食物,5.5L大型炸籃可以擺到3-4隻春雞,夠曬4-5個人食呀。最正係可以通過透明玻璃窗見到食物變熟嘅過程,真係好治癒架。同埋佢有自動旋轉葉片,可以幫你攪拌炒飯。操作方面,就以智能觸控板控制時間、溫度,仲有預設烹調模式跟住黎整。

  • 型號:Voglia VAF-770A
  • 尺寸:270x320x385 毫米
  • 顏色:黑色
  • 電壓:220v
  • 輸出功率:1800瓦
  • 時間控制:最多60分鐘
  • 溫度控制:65°C -200°C
  • 預設模式:12種
  • 顯示屏:LED數碼顯示屏
  • 容量:12L / 5.5L(炸籃)
  • 插頭:2腳插,需轉換3腳插頭保養:需與賣家商議

 

氣炸鍋推薦【Instant Pot篇】

10. Instant Vortex Plus 10 Quart USB QWERTY HK$1021

Instant Vortex Plus 10
來自加拿大嘅Instant Pot 氣炸鍋其實同Voglia好相似,以熱空氣循環均勻加熱食物,有效將肉汁鎖住,做到外脆內軟口感。佢嘅外形四四方方,有透明玻璃窗可以望到入面嘅食物,同埋有3層烤架設計,最特別在於Instant Pot配有滾動炸籃,當你見到D薯條係個炸籃入面滾黎滾去,真係好爽架。佢除左有滾動炸籃之外,仲附送烤肉架、春雞架,用黎整燒鵝、豬手都無問題呀。

  • 型號:Instant Pot Vortex Plus 10
  • 尺寸:336x336x365 毫米
  • 顏色:黑色
  • 電壓:120v
  • 輸出功率:1500瓦
  • 時間控制:最多60分鐘
  • 溫度控制:40°C -205°C
  • 預設模式:7種 (氣炸、烘、烤、焗、加熱、脫水、滾動烤肉)
  • 顯示屏:LED數碼顯示屏
  • 容量:9L
  • 插頭:2腳插,需轉換3腳插頭
  • 保養:需與賣家商議

 

 

買氣炸鍋有咩要注意?

1. 唔好貪平

一分錢一分貨,俾得咁上下價錢,當然所有野都要包架喇,最好就係用料、安全、可靠、送貨、維修保養、退貨換貨服務樣樣都妥善兼顧到。有budget又唔想煩嘅,緊係買飛利浦,用料靚之餘,所有規格都符合香港標準,唔洗擔心轉插、電壓唔啱。氣炸鍋有咩頭暈身興,未過保養期都可以拎返去維修或者換貨。

 

2. 電子板 or 機械鈕掣

電子控制板方便之餘,溫度同埋時間一目了然,不過有個唔好處就係,電子控制板好容易壞,部機過熱或者用耐左,個顯示屏有機會燒左,所以穩穩陣陣都係用返舊式D嘅扭扭掣。

 

3. 售後服務

如果你係海外或者係大陸買嘅,要承受運送途中損壞嘅風險。部機安安全全到手當然係好,但唔好彩送到黎就撞壞左或者係本身有問題嘅,又要聯絡賣家安排換貨、退貨,都幾頭痕架。

 

4. 清潔難易度

氣炸鍋嘅原理就係利用熱空氣循環將食物加熱,某D牌子有發熱線(所謂嘅蚊香),而呢d位最容易彈到d油,所以定期一定要清潔,如果唔係太多油積住係發熱線,佢會一邊氣炸一邊出煙架。

 

5. 容量大小

當你發現氣炸鍋真係好好用嘅時候,你就會一日三餐都會用氣炸鍋黎搞掂,不過容量太細的話,每次只可以煮一樣食物,咁餐飯咪有排煮。所以Voglia、Instant Pot可以一次過整唔同嘅食物,時間省返唔少架。

 

好用配件

1. 防油神器

用耐左飛利浦氣炸鍋,d油少不免都會彈上去蚊香發熱線位,所以偉大嘅淘寶就有一個防油神器,令到d油唔會彈上去蚊香位,唔洗成日清潔咁麻煩,仲可以鍚住氣炸鍋黎用呀。

 

2. 分隔配件

可能跟機附送嘅配件未必夠用,所以網上都有好多周邊配件,配合埋一齊用就方便好多喇。例如有蛋糕盤、pizza盤、薯餅架、多層架、cup ca盤等等。多左呢D配件可以有效利用炸籃嘅空間,可以擺左幾樣食物落去一齊炸。

 

氣炸鍋食譜 (Online版)

買咗氣炸鍋之後點可以唔試返幾味? 小編係網上搵到一個非常方便嘅網上氣炸鍋食譜,入面有哂食材、調味料、氣炸溫度及製作步驟等資訊,相信睇完嘅你都可以搖身一變變為廚神!

 

伸延閱讀:

每週更新!【Dyson優惠代碼】內附網購教學及產品推介

蒸煮飯盒推介 – 唔駛同人爭微波爐,輕鬆炮製自家午餐!

每週更新!【J Select優惠碼】內附十大必買產品推薦

你可能感興趣

發表提問

Your email address will not be published.