深圳必備APP – 北上APP推介必備懶人包 (2019更新)

0
上深圳有咩app要download? 呢篇深圳必備app推介就啱哂你喇!近年越來越多人會趁放假北上飲飲食食,而同我地只有一河之隔嘅深圳就成為近年香港年輕一輩嘅新寵,星期五放工黎個北上深圳快閃團,簡直爽歪歪呀。

可惜,偉大嘅祖國係用唔到Facebook、IG、Whatsapp、Google,所以小編就為大家整合深圳必備APP懶人包,等大家無障礙暢玩深圳。

落單/俾錢app

# 微信 Wechat

微信呢個APP基本上係大陸人人都會用,除左通訊之外,WechatPay係大陸主要的電子錢包之一。只要scan QR code,就有好多小程式,用黎網上落單、俾錢等等。對於香港人黎講,最緊要就係喜茶。係喜茶GO呢個小程式落單購買,遙距監察現時訂單狀況,收到取單通知後,就可以去門市拎又得或者美團送到指定位置又得。

香港微信支付
深圳必備APP

 

搵食/搵節目app

# 大眾點評美團

你可能會覺得大眾點評和美團點解個版面咁相似架呢,因為佢地兩個已經合併,所以你可以利用呢兩個APP黎搵最IN、最齊全嘅深圳資訊。最common用法係,你可以當佢地係openrice嘅朋友,當你唔知附近有食或者有咩玩嘅時候,佢地就幫到手喇。

大眾點評app

同時,你亦可以睇下大陸網友嘅comment,有圖有真相,睇埋張相先決定幫唔幫襯喇。當你深夜肚餓時,只要美團上面有,你可以係美團叫外賣,佢就可以送到去指定位置,甚至你只係想買包煙或者廁紙,美團都可以送到你手上。

美團app

除此之外,大眾點評+美團,都算係全方位嘅APP,你可以搵到好多按摩、美甲、酒吧、KTV、酒店、民宿,亦可以經大眾點評或美團來團購服務套餐、預訂酒店、民宿、火車飛、門票,基本上真係全包咁濟。

美團app

 

免排隊等位app

# 美味不用等

美味不用等最造福人群的地方係,你可以預先領取餐廳的輪候號碼,免卻排隊時間,同時又可以睇到附近分店輪候桌數。你可以係呢段時間去行下街、唱下K,令你的時間唔會白白浪費係排隊上面,更有效利用時間,行多幾間商鋪仲開心喇。

美味不用等app

 

搵推介/景點app

# 小紅書

小紅書係最近興起嘅APP,小編就覺得佢似抖音+ instagram混合體,好多網紅都會係上面share好多唔同嘅資訊。例如,小編想去華強北尋寶,買最新最靚嘅手機殼同埋風扇,但係人生路不熟,你可以睇下小紅書,就會有好多網紅分享佢地去過、食過嘅資訊。有圖有真相,覺得吸引嘅,就去返大眾點評+美團search下相關的資訊,搵返條路線,計劃行程。

小紅書app

除左景點之外,仲有好多五花百門嘅內容,好似教人減肥、整EXCEL、化妝等等,搭車無聊嘅時候,都係唔錯嘅kill time選擇。

 

↓ 你可能對以下優惠感興趣 ↓
跳轉至 香港拎位/攞飛app攻略頁面
跳轉至 日本藥妝/百貨公司優惠券頁面
跳轉至 韓國吃/喝/玩/樂優惠券頁面

路痴必備app

# 百度地圖 / 高德地圖

鑑於Google MAP不是大陸的朋友,所以百度地圖同埋高德地圖係大陸導航準確度係比google map高好多。百度地圖同高德地圖嘅版面同樣好相似,但好多駕駛人士都話高德地圖比較適合駕駛,比較好用;百度地圖就適合搵路,甚至係商場入面搵路都OK。同樣地,兩個APP都可以用黎call車。

大陸地圖app

 

Call車必備app

# 滴滴出行

講到搭車,最方便都係滴滴出行,佢似係港版嘅UBER,可以用黎call的士、專車(私家車、7人車)都得。有時想省返D時間,CALL滴滴的士或專車直接去到餐廳或者景點,都好方便架。藍色的士係電動車,RMB10起標,紅色的士係石油氣車,比藍色的士平少少,但又會額外收返RMB2-3蚊嘅燃油費,所以都係差不多。車費黎講,微信支付當然方便,但係你想用現金支付都一樣冇問題。不過留意呀,司機可能會唔夠散紙找俾你,因為電子支付係大陸實在太普遍喇,佢地未必會袋咁多現金係身,所以都係用電子支付就最方便。

大陸call車app推介

 

深圳地鐵app

# 深圳地鐵官方APP

好多大型商場都係地鐵站隔離,返深圳玩真係離唔開地鐵。深圳地鐵官方APP除左俾你睇路線圖之外,仲多左個新功能 – 深圳市地鐵乘車碼。只要係APP內按乘車碼,以微信登錄,選擇零錢扣費方式,即是微信支付。咁就正式開通左,之後佢就會有乘車碼俾你,你就係閘機上面SCAN,就入到閘架喇。呢個方法,唔洗迫你買交通卡,又唔洗籌散銀散紙係售票機買綠色圓膠塊,重點係唔洗成日擔心整唔見個綠色圓膠塊,真係方便勁多呀。

深圳地鐵app
深圳地鐵app

 

翻牆VPN推介

# VPN CAT + QUICK VPN

返大陸點少得VPN,雖然佢係要少少時間connect VPN會慢少少,但起碼都叫用到whatsapp、Facebook、Instagram,咁可以時時刻刻update story喇。小編試過呢兩款VPN,快唔快就見人見智,始終佢要經過多一重嘅野先上到網,同埋好多廣告彈出黎,總括黎講都算係免費翻牆、連到、用到,將就下喇~

VPN Cat
北上VPN

Quick VPN
大陸翻牆APP

如果你用IPHONE見到VPN標誌,證明已經連左VPN,亦可以去設定->VPN,睇下係咪連結左;不過佢地好古惑架,如果要用返wechat、大眾點評,百度地圖呢類嘅大陸APP,就最好斷左VPN連結先好用。

大陸翻牆APP

 

Subprice價真省 – 現正招稿!熟悉網購、推廣編碼、Promo Code、著數、開箱評測嘅朋友都可以加入成為價真省博客,為價真省兵團提供最全面福利! 有意者請投稿至 info@subprice.hk – 我們會為文章稍作修飾,並給予象徵式報酬 (視乎字數 / 內容題材而定)。

你可能感興趣

發表提問

Your email address will not be published.