家電維修分享 – 本地平台「修理爸爸」維修費低至$20起!

0

當大家有小型電器壞咗會點做?送去填田區?轉贈俾人?拎去俾人維修? 話說我最近都有呢個煩惱,有次無意間發現其中一位Facebook谷友話佢個小電鍋插咗電無反應,最後佢搵咗一位『修理爸爸』幫手整返好。 我好奇之下問呢位谷友拎咗『修理爸爸』嘅聯絡資料,最後亦搵咗佢幫我維修兩件小型用品,決定係呢度同大家分享下。

修理爸爸』嘅服務宗旨係唔浪費、減少廢物,為地球出一分力,會根據維修成本收費,承諾不成功不收費。維修時間因應你嘅電器複雜性而定,快嘅三至四日已經搞掂,例如小電鍋、麵包機、小焗爐、吸塵機需時可能較長。

由於修理爸爸視維修電器為興趣,平日都有正職要返工,所以收工後先可約交收。上星期二交低俾佢,星期四晚通知我整返好啦!一件桌上小風扇及演唱會發光棒修理費合共$40,價錢合理,咁新淨我都唔想送去填田區。

 

桌上小風扇維修後 (仍然風力十足) ▼

 

演唱會發光棒維修後 (快閃, 中閃, 慢閃都得) ▼

 

除維修電器外,修理小朋友玩具『修理爸爸』都係能手,Oxford點讀筆、兒童相機、電動公仔等,全部難佢唔到。 當然維修費會按產品大小及維修難度嚟決定,唔好以為整咩都係收$20呀~

多得『修理爸爸』為壞咗嘅電器維修,延續佢地嘅生命,慳到嘅係金錢同時間。小編介紹多一個途徑修理,唔使去鴨寮街,希望大家支持環保,減少對環境造成破壞!

 

Subprice價真省 – 現正招稿!熟悉網購、推廣編碼、Promo Code、著數、開箱評測嘅朋友都可以加入成為價真省博客,為價真省兵團提供最全面福利! 有意者請投稿至 info@subprice.hk – 我們會為文章稍作修飾,並給予象徵式報酬 (視乎字數 / 內容題材而定)。

你可能感興趣

發表提問

Your email address will not be published.